Mahigot na kinondena kan duwang senador an panibagong pag-atake kan China Coast Guard (CCG) laban sa duwang barko kan Pilipinas harani sa Pag-asa Cay 2 sa West Philippine Sea (WPS).
Nangyari an insidente mantang an mga barko kan Bureau of Fisheries and Aquatic Resources (BFAR) an nagsasagibo nin routine mission kaiba an scientific team nganing mangolekta nin sampol kan baybay.
Segun kay Senate Committee on National Defense Chairman Senador Jinggoy Estrada, bako na makakigkig an agresibong aksyon kan CCG urog nang haloy na nindang piggagambala an satuyang maritime scientist asin uniformed personnel sa laog nin pirang taon.
Siring man, dae suboot magpapasindak an nacion asin padagos na maninindugan sa pagtutol sa kada pagbayolar sa satuyang soberanya asin dangal.
Ipig-suhestyon pa ni Estrada na magsunad ang nacion nin sarong matatag asin malinaw na diplomatikong protesta laban sa padagos na mga pagbayolar kan China.
Huli sa agresibong aksyon kan China, kinakaipuhan suboot kan nacion na pakusugon an pakikipag-alyansa sa mga naciong kapareho nyato nin paninindugan para sa katuninongan, katatagan, asin pagrespeto sa ley sa rehiyon.
Nangapodan man si Senador Joel Villanueva sa Department of Foreign Affairs (DFA) na pag-adalan an gabos na posibleng lakdang nganing tulos na makapagsunad nin panibagong diplomatikong protesta laban sa China.
Pagdoon kan senador, bako sana ini orolay nin pagdepensa sa satuyang soberanya asin sovereign rights, ini an mapadapit sa pangangataman sa buhay asin kapakanan kan mga namamanwaan.
