LEGAZPI CITY-Nagsagibo sa kaenot-enoting pagkakataon nin jetski flag ride an civil society coalition na ”Atin Ito” sa kadagatan harani sa Pag-asa Island kansudma, bilang parte kan ikaapat kaining civilian mission sa West Philippine Sea (WPS).
Pinangenotan ni Akbayan Rep. Dadah Kiram Ismula an aktibidad, na segun sa grupom simbolo kan soberanya kan Pilipinas sa nasabing lugar.
Segun sa Atin Ito, nagpoon an misyon bandang alas 5:40 nin aga kun sain naglunad sa rubber boat an ibang volunteers.
Nagin matrayumpo an pagwagayway kan Philippine Flag sa Pag-asa Cay 2 sa tahaw kan “magabat na presenya kan China” sa lugar.
Mientras tanto, napag-araman man na pigakusaran suboot kan China an Pilipinas nin iligal na paglaog sa pinag-aagawang kadagatan.
Susog sa China Coast Guard, limang Pilipino suboot an nanotaran na naglapag sa nasabing lugar.
