Sinita kan Philippine Coast Guard (PCG) an sarong barko kan China Coast Guard na namataan harani sa baybayon kan Zambales, Pangasinan, asin Ilocos provinces.
Napag-araman na namataan an Chinese Coast Guard vessel na nagpapatrulya sa pinag-aaragawan na parte kan Bajo de Masinloc sa West Philippine Sea (WPS).
Tulos man na radio challenge an PCG sa barko kan China asin sinabing wara ining legal authority na magpatrolya sa laog kan Exclusive Economic Zone kan Pilipinas.
Segun ki PCG spokesperson for the West Philippine Sea Rear Admiral Jay Tarriela, narisa ninda na garing pigsusundan kan barko an direksyon na konektado sa pig-aapod na “nine-dash line.”
An “nine-dash line” an mas mahewas na parte kan kadagatan na pirit na pigka klamar kan China.
