Nag-abot na sa haros walong milyong katawo ang pumirma sa ‘Impeach Sara Duterte!’ campaign.
Inilansar an public signature campaign nganing makakua nin suporta nganing hampangon si VP Sara sa impeachment proceedings.
Sa laog sana nin 24 oras puon kan ini inilansar nag-abot sa labi 1 million katawo an tulos na pumirma.
Bago an naging botohan kan Mayo-11 sa plenaryo ng Kamara, nakakua na ini nin labi sa duwang milyon na pirma.
Puon kan Mayo-11 hasta May 14, nadagdagan pa nin haros anom na milyong pirma asin padagos pa ining nagdadakol kada minuto.
Sa irarom kan sistemang ginagamit sa nasabing signature campaign, pigkukua an IP Address asin digital fingerprint kan mga nagpipirma bilang parte kan signature validation process.
Gabos kan mga nalilikom na pirma an pigsusuri.
Mientrastanto, pinakadakol sa mga nagpirma an hale sa Metro Manila na umabot na sa 1.4 million. Sinundan ini kan Cavite na igwang labi sa 755,000.
Halangkaw an numero kan mga nagpirma hale sa Cebu, Negros Occidental, Bulacan, Rizal, Laguna, Iloilo, Pangasinan, Leyte, Batangas, asin iba pa.
