LEGAZPI CITY–Karsel an bagsak kan duwang street-level drug personalities sa ikinundusir na buy-bust operation kan mga otoridad sa Barangay Tayhi, Tabaco City.
Binisto an mga suspek na sinda alyas “Alex” asin “Rod”, parehong nasa legal na edad.
Nakumpiskar digdi an nasa 9.47 gramos nin pigtutubudang shabu na nagkakantidad nin P64,396.00.
Naarestar an mga suspek sa pinagsarong operatiba kan Tabaco City Police Station, Albay Provincial Maritime Unit asin Philippine Drug Enforcement Agency-Regional Office V.
Nasa kustodiya na kan Tabaco CPS an mga suspek asin nakatalaang sunadan nin kasong pagbayolar sa Republic Act 9165 o Comprehensive Dangerous Drugs Act of 2002.
