LEGAZPI CITY – Nagbalik loob sa gobierno an duwang halangkaw na opisyal kan Communist Terrorist Group (CTG) sa provincia kan Sorsogon.
Segun ki Sorsogon Police Provincial Office Spokesperson PMaj. Arwin Destacamento sa intrevista kan Bombo Radyo Legazpi na nagbalik loob sa gobierno an mga ini sa tabang kan kapulisan kan Bulan Municipal Police Station asin iba pang ahensya kan gobierno.
Magayon na napasuko an mga ini nin huli ta basado sa saindang impormasyon na imbwelto an duwa sa mga opensiba kan mga teroristang grupo kan mga nakalihis na taon.
Saro suboot sa mga rason kun nyata dae pa nagsusuko an nagkapirang CTG member nin huli man sa takot na balikan kan mga ini an saindang mga pamilya enkaso magtiwalag sinda sa saindang grupo.
Sa ibong kaini, pigpromesa man kan opisyal na isasairarom an mga nagbalik loob sa gobierno kaiba an saindang pamilya sa seguridad kan mga otoridad nganing maibitaran an ano man na pangungulog kan saindang mga dating ka-miyembro.
Nahihiling man ninda na kadaklan sa mga miyembro kan nasabing grupo sa Sorsogon an nagbabalik loob na gobierno sa laog kan mga nakalihis na taon asin sa mga masunod pa.
Pangapodan kaini sa mga mawot magsuko asin magbalik-loob sa gobierno na bukas an saindang mga ofisina sa saindang pag-surrender nin huli ta ini na an panahon nganing magbago na an mga ini.
 in Sorsogon province have returned to the government.){kind=link}