Kinumpirmar kan Philippine Center on Transnational Crime (PCTC) sa hearing kan Senado na warang red notice hale sa International Criminal Police Organization (Interpol) kundi red diffusion sana para sa pag-arestar kay dating Presidente Rodrigo Duterte.
Segun kay PCTC Executive Director Anthony Alcantara, nag-isyu sana an Interpol nin diffusion notice laban kay Duterte.
Segun sa website kan Interpol, an mga miyembrong nacion an pwedesir mang humagad nin kooperasyon gikan sa lambang saro sa paagi kan ibang mekanismo afuera sa notices na pig-aapod na ‘diffusion.’
Segun pa sa website, an mga diffusion an katampad nin mga notices color-coded system kun saen igwang red, yellow, black, green, purple asin orange diffusions.
Pigtaram ni Alcantara, an nag-abot sa sainda an sarong red diffusion o sarong Wanted Person Diffusion na katampad kan sarong red notice.
Alagad, pinunto ni Marcos na an interpol diffusion an iba hale sa sarong notice.
Nanindugan si Alcantara na an diffusion an nag-agi sa database kan police organization.
Ipinaliwanag pa niya na may manlain-laing klase nin diffusion asin an pigtaram ni Senator Aimee Marcos an “blue diffusion” na paghahanap nin impormasyon sana.
Segun sa opisyal, an diffusion hale sa Interpol an ipinakalat tulos sa mga law enforcement agencies huli sa urgency.
Pigtaram man ni Marcos na an diffusion kan Interpol an pahiwatig na an kahagadan an ginibo pagkatapos kan prior consultation sa gobyerno kan Pilipinas.
Naghinala an senadora na may koordinasyon sa pagultangan kan gobyerno kan Pilipinas asin sa ICC bago an pagtanggap kan diffusion kan Marso 11.
 confirmed in the Senate hearing that there was no red notice from the International Criminal Police Organization (Interpol) but only a red diffusion for the arrest of former President Rodrigo Duterte.){kind=link}