Piglalaoman kan gobyerno kan Pilipinas na mailuluwas na an tensyon sa saindang kahagadan na mag-isyu nin Red Notice ang International Criminal Police Organization (Interpol) laban kay dating presidential spokesman Atty. Harry Roque.
Segun ki Department of the Interior and Local Government (DILG) Secretary Jonvic Remulla, opisyal nang nagpaso an anom na bulan na proseso nin aplikasyon para sa asylum ni Roque sa Netherlands ngunyan na semana.
Kaya posible suboot maaraman ngunyan na aldaw kun tatawan o dae an saindang kahagadan.
Presenteng wanted si Roque huli sa human trafficking case na may kinaaraman sa iligal na Philippine Offshore Gaming Operator (POGO) hub na Lucky South 99 sa Porac, Pampanga.
Naenot nang naghagad an gobyerno kan Pilipinas nin Red Notice para kay Roque kan Nobiyembre ka nakalihis na taon.
Naghagad man nin asylum si Roque sa Netherlands alagad naireport na ini-refer siya sa Austria sa irarom kan European Union’s Dublin Regulation, na nagsasaad na an enot na member state of entry ang responsable sa pagproseso kan asylum application.
Segun ki Remulla, en kaso man dae tugutan an kahagadan ni Roque para sa asylum, papalayason siya hale sa nasabing nacion huli sa wara siyang travel papers asin huli na man sa pigkakahampang niyang human trafficking case na ipinagbabawal sa gabos na nacion.
