LEGAZPI CITY—Padagos an pagbabantay kan Department of Health Bicol sa mga provincia na labing naapektaran kan bagyong Uwan siring kan Camarines Sur asin Catanduanes.
Segun ki Assistant Disaster Risk Reduction and Management in Health Public Health Preparedness and Response Unit Department of Health–Center for Health Development Bhernard Mongo, sa intrevista kan Bombo Radyo Legazpi, nakasentro an saindang health response efforts sa nasambitang mga provincia.
Saro soboot sa pinakahalangkaw na health risk an Catanduanes huli sa ini an pinakaharani sa mata kan nakaaging bagyo asin kadaklan sa mga nadestrosong pasilidad kan ahesya an nai-report sa nasabing lugar.
Sa presente nakapagbarewas naman an saindang opisina nin mga ekipahe, kadugangang bulong asin supplies, siring man na naka-deploy man giraray an saindang manpower partikularmente sa nagkapirang evacuation centers na aktibong pigbabatayan kan DOH huli sa huma kan posibleng pagkakahawa nin mga helang.
Dugang kan opisyal na partially damaged an kadaklan sa mga naapektarang health facilities sa rehiyon.
Pig-asigurar man ni Mongo na katabang kan publiko an saindang ofisina sa pagbuhat gikan sa pangrarapado kan bagyong Uwan, gigibohon suboot ninda an gabos na tabang pansalud nganing maipaabot ini sa namamanwaan.
