LEGAZPI CITY-Naalarma an Department of Health Bicol sa naglalangkaw na numero kan mga jovenes na naggagamit nin tobacco.
Susog sa pahayag ni DOH Bicol CHD Healthy Workplaces and Risk Factors Program Manager Carla Luvidice, na dapat aksyunan ini asin halion an mga deceptive strategies kan mga multi-billionare company kan Tobacco huli ta kadakol sindang pigsasagibong mga stratehiya o teknik ngani itago an anyo kan sigarilyo.
Kamawotan man kan ahensya na mapundo na an pagka-enganyo kan mga jovenes digdi huli ta kadaklan sa merkado target na makuwa an bagong henerasyon sa paggamit kan nicotine products.
Kadaklan man sa pigsasagibo ninda an pag-produsir nin mga e-ciggarettes, vape, o mga heated tobacco products.
Basado kaya sa datos nasa 19.5% na prevalence kaini sa kababaihan asin haros nasa 15% mga jovenes.
Padagos man na naglalangkaw ini hasta ngonian, kun sain susog sa sarong global survey, nasa 1.5 milyon na young adults an naggagamit kaini.
Target kan ahensya na mapababa ini pag abot kan taong 2023 sa paagi kan pag-implementar nin mga counterpart programs katuwang an mga stakeholders ngani ipalakop an peligro kan paggamit kan Tobacco.
