Nakapagsunad na nin piyansa sa Sandiganbayan sina Senator Jinggoy Estrada asin dating Department of Public Works and Highways (DPWH) chief Manuel Bonoan huli sa kasong graft na may kinaaraman sa anomalya sa mga proyekto kan DPWH.
Kan hapon nin Biyernes kan magpasiring si Estrada asin Bonoan nganing magsunad nin tig-P90,000 sa Sandiganbayan Second Division pirang oras makalihis na magluwas an Sandiganbayan nin warrant of arrest.
Sa pahayag kan Senador na kaya sinda nagsunad nin piyansa an parte kan legal na lakdang para saiya sa irarom kan justice system.
Gabos kan mga paagi an saiyang gigibohon nganing idepensa an saiyang sadiri.
Liwat na pinahimutikan man kan Senador an gabos kan mga alegasyon laban saiya.
Wara man na itinaong anumang pahayag ang dating Kalihim kan DPWH kun sain matapos an pagsunad kaini nin piyansa an tulos ining naghale.
Nagluwas man an Second Division ng hold departure order laban kay Estrada asin Bonoan.
Kan Huwebes, Mayo 29, kan magsunad an Office of the Ombudsman nin graft asin plunder laban kina Estrada asin Bonoan kaiba an pirang mga opisyal kan DPWH.
Mantang ang ibang graft asin plunder case na sarong non-bailable laban kina Estrada asin Bonoan kapot kan Sandiganbayan Fifth Division.
Ipinaliwanag man ni Assistant Ombudsman Mico Clavano, na ang kasong plunder asin graft case laban kay Estrada asin mga co-accused huli sa iligal na budgetary insertions asin project allocations sa mga proyekto kan DPWH puon pa kan 2025.
