LEGAZPI CITY-Nadukayang gadan an dating Vice Mayor kan Abuyog, Leyte na si James Bohol asin saiyang aking lalaki na si Carlou James “Jimbo” Bohol.
Ini makalihis an pagdukot sainda kan nakalihis na semana, basado sa kumpirmasyon ni Mayor Lemuel Gin Traya ngonian na aldaw nin Martes.
Segun saiya na ipinaaram kan Philippine National Police an insidente sa saiya mapadapit sa dating mayor asin saiyang aki.
Nadukayan an hawak kan mga biktima bandang alas 9:57 nin aga sa sarong bangin na igwang rarom na pito hasta walong metro sa gilid kan kalsada sa Barangay Imelda, Silago, Southern Leyte, ini pirang kilometro an distansya hale sa mismong banwaan ninda.
Ipinadara man an mga tawohan hale sa Scene of the Crime Operatives (SOCO) sa pinangyarihan kan insidente ngani matukoy an biktima.
Marurumduman na dinukot bandang ala 1:00 nin hapon kan Sabado, ika-27 kan Hunyo, hale sa saindang ofisina sa laog kan sarong bodega sa Barangay Sta. Cruz, Mayorga, Leyte an mga mag-ama na biktima.
Sa presente padagos pa an imbestigasyon kan pulisya ngani matukoy an suspek asin an motibo sa likod kan insidente.
