LEGAZPI CITY-Napugulan suboot an naireport na pagporbar nin kadahasan sa Tolosa National High School sa Leyte makalihis maresibe an impormasyon ni DILG Secretary Jonvic Remulla.
Segun kay Remulla, bandang alas-8 nin banggi kan Hunyo 24, 2026, nakaresibe siya nin apod hale kay Senator Bam Aquino kasunod kan suboot huma nin kadahasan sa nabanggit na eskwelahan.
Sa pangenot na imbestigasyon, igwang problema suboot sa pamilya an 14 anyos na babae na nagporbar suboot nin shooting incident.
Kasabay kaini, nangapudan man si Secretary Remulla sa namamanwaang Pilipino na tulos na mag-apod sa emergency hotline 911 kun igwang mahiling o mabalitaan na huma nin dahas, kaiba na an mga planong mass shooting na pinago-olayan sa mga group discussion o online platforms.
Tinawan doon man niya an importansya kan maagap na pag-report sa mga otoridad sa paagi kan 911 ngani tulos na maaksyunan an mga insidente asin mapugulan an posibleng peligro sa publiko.
