LEGAZPI CITY-Inarestar an sarong pasahero makalihis suboot na magsagibo nin bomb joke mantang nakalunad sa eroplano sa Tacloban Airport sa Leyte kan Huwebes.
Segun sa report, naghapot an sarong cabin crew sa pasahero kun igwa ining power bank sa saiyang bag.
Nagsimbag suboot an pasahero na wara siyang power bank alagad nag-joke na imbes, igwa siyang bomba digdi.
An pahayag nagkawsa nin alarma sa mga kapwa pasahero na tulos ipinaaram kan mga tripulante sa eroplano an piloto asin mga awtoridad.
Huli kaini, an gabos na pasahero hinagad na magbaba, asin an saindang mga bag na dara an tulos na pig-inspeksyon.
Pinangenotan kan mga miembros kan Eastern Visayas Police Explosive Ordnance Disposal (EOD) team asin K9 unit an security inspection sa lugar.
Nagbalik an mga pagbyahe makalihis na ideklarar kan mga otoridad na ligtas an eropuerto, na warang nakuang mga bomba o peligrosong materyales.
Mientrastanto, nagtetenir na sa kustodiya kan mga otoridad sa Tacloban Airport an suspetsado mantang pighahalat an imbestigasyon.
