Pinagkakahaditan na lumobo pa sa P130 an kada litro kan diesel mantang an gasolina an posibleng maglagpas pa sa P100 kada litro ngunyan na semana.
Ini an kasunod kan serye nin mga oil price hike huli sa nagpapadagos na tensyon sa Middle East.
Basado sa datos na ipinaluwas kan Department of Energy (DOE) sa range kan adjustment puon ngunyan na Marso 24 hasta Marso 30, 2026, an gasolina an posibleng maglangkaw pa nin poco mas o menos P8 hasta P12.
An diesel man an posibleng nasa P15 hasta P18 an dagdag sa kada litro.
An kerosene an dae man makakaibitar sa dagdag presyo na pigkakarkulong malangkaw nin P12 hasta P22 kada litro.
Sa sarong press briefing, sinabi ni Energy Secretary Sharon Garin na resulta man liwat ni kan kariribukan sa Middle East.
