LEGAZPI CITY-Nakisumaro sa nationwide brigada eskwela an Philippine Healthcare and Mercury Waste Management project (HCWM Project) katuwang an Ban Toxic ngani i-promote an toxics-free asin waste-free na komunidad.
Segun kay Ban Toxics Campaigner Thony Dizon, sa intrevista kan Bombo Radyo Legazpi na parte an ini kan saindang programa asin proyekto na obhetong mapababa an piga-apod na “unintentionally persistent organic pollutants” na hale pa sa mga basura na gibo sa plastic.
Paliwanag ni Dizon na enkaso masulo an mga inil posibleng mag-release nin delikadong mag kemikal.
Kaiba man ini sa mga proyekto ngani mapangatamanan an mga komunidad magin an mga eskwelahan.
Dagdag pa niya na importante an partisipasyon kan komunidad asin eskwelahan, huli ta problema man kan komunidad an mga problema sa ospital orog na kun pago-olayan an plastic reduction.
Parte an nabanggit na proyekto ngani masierto an kaligtasan kan mga estudyante asin maibitaran an paggamit kan kemikal sa mga produkto sa laog kan eskwelahan, orog na sa mga igwang mga clinic, asin mga health centers sa komunidad.
