LEGAZPI CITY – Hinigotan pa kan lokal na gobierno kan Daraga, Albay an pagpapaotob kan mga anti-dengue efforts makalihis na isairarom an banwaan sa state of calamity.
Sa intrevista kan Bombo Radyo Legazpi ki Daraga Municipal Disaster Risk Reduction and Management Council (MDRRMC) head Alex Comia, kulang suboot kun misting asin fogging sana an isasagibo urog na kun mag-uran asin madara kan tubig an kemikal.
Katakod kaini, nakipag-coordinar na si Mayor Vic Perete sa Municipal Environment and Natural Resources Office (MENRO), Rural Health Unit (RHU) asin mga barangay council tangarig na magbaba kan direktiba sa paglimpia asin pagbabariwas nin information, education and communication (IEC) material.
Ipigduon ni Comia na dapat na mag-otob sa precautionary asin preventive measures bako sana an mga barangay na may kaso kan dengue kundi an bilog na 54 barangay sa Daraga.
Pigpapasumiter man an mga opisyal nin report kun ano an mga ipigsasagibong esfuersos tangarig na maprotehiran an mga komunidad hali sa dengue.
