Nag-arangkada na ngunyan na aldaw an gobyerno sa pagpapabakal nin baratong bagas sa mga merkado sa irarom kan Rice-for-All program kan Department of Agriculture.
Segun kay DA Spokesperson Assistant Secretary Arnel de Mesa, dae malulugi an pamahalaan nin huli sa pagpapabakal kaini nin ₱40 per kilo na bagas.
Pinahiwas pa ngunyan na aldaw an pagpapabakal kan baratong bagas sa mga merkado sa enterong nasyon.
Naka istasyon an saindang mga baratong bagas sa mga istasyon kan tren asin palengke sa Metro Manila.
Pig-eksplikar pa kan opisyal na maabot sana sa ₱37-₱38 an kuwa kan Food Terminal Inc para sa bagas kaya’t kayang-kaya na maipabakal ini sa ₱40 per kilo.
Kabale sa mga ipigpapabakal na mga bagas an mga lokal asin inangkat sa ibang nasyon.
Pigsyerto man kaini na sa ibong kan baratong presyo kan bagas an mamamantenir pa man ining may kalidad.
