Pinahigot kan gobierno an programa nganing liwat na buhayon an industriya kan urig sa nacion sa sa paagi kan pagpapahewas kan hog repopulation program.
Obheto kaining maibalik an mga ataman na urig na nawara kawsa kan African Swine Fever (ASF) asin mapatatag an suplay kan karne nin urig sa lokal na merkado.
Susog sa Department of Agriculture (DA), plano kaining magbakal nin pocomas o menos 32,000 gilts nganing maibalik sa dating lebel na nasa 13 milyong an kabilogang populasyon kan urog sa nacion bago magtama an ASF.
Obheto kaini na madugangang nin anom na milyong urig pag-abot kan 2028.
Sinabi ni DA Secretary Francisco Tiu Laurel Jr. na importante an programan ini sa obheto kan gobierno na siertohon an seguridad sa pagkaon asin nangangaipuhan ini nin marikas na paghalangkaw kan produksyon.
