LEGAZPI CITY- Pigmenos kan sarong grupo nin mga paraoma an P10 billion na ipinag-oorgulyo kan Department of Agriculture (DA) na itatao suboot sa mga paraoma asin parasisira.
Segun ki Bantay Bigas Spokesperson Cathy Estavillo sa intrevista kan Bombo Radyo Legazpi na kakarampot sana an nasabing pondo kun ikukumparar sa 11 million na mga paraoma asin parasisira sa nacion.
Kun susumahon, kulang pa suboot an nasabing pondo sa sarong bag nin fertilizer na ngunyan an nasa P2,600 na.
Katakod kaini, liwat na ipinangapudan kan grupo an kahagadan na P50,000 support production subsidy ngani na maipagpadagos an pagtatanom ngunyan na planting season.
Paliwanag ni Estavillo na sa presente nasa P60,000 hasta P70,000 an nagagastos kan mga paraoma sa saindang tanuman sa sarong planting season season sana.
Dae suboot pwedesir na irason kan gobierno na warang pondo huli ta igwang unprogrammed funds na nasa P400 billion na pwedesir na gamiton kun talagang mawot kan gobierno na matabangan an nacion sa pagsierto kan food security. V
