LEGAZPI CITY-Uminabot na sa P6.64 milyon an kantidad kan danyos sa sektor kan agrikultura sa Albay huli sa padagos na pag-alburuto kan Bulkang Mayon, susog sa Department of Agriculture (DA).
Segun sa ahensya, apektado an nasa 84 metric tons nin high value crops sa 16 ektarya na omahan.
Sa inisyal na datos, matang padagos pang beniberipika, nairehistro an pagkaagdan kan nasa 33 ataman na hayop asin poultry na nagkakantidad nin P121,000.
Mientras tanto, nagpapadagos an evacuation asin monitoring kan livestock, siring man an pagtatao nin animal health support asin distribusyon nin feeds asin iba pang tabang sa mga apektadong paraooma.
Pigsierto man kan DA an iba pang tabang arog kan seeds, loans, asin crop insurance para sa mga naapektaran na mga residente.
