Naghahagad an Department of Agriculture (DA) nin kadugangang P30 bilyon hale sa gobierno para sa ibababarewas na pataba asin ayuda sa mga paraooma, sa tahaw kan halangkaw na presyo nin krudo.
Segun ki Agriculture Assistant Secretary Arnel de Mesa, presente nindang ipigpapaotob an nationwide rollout kan ng P10 bilyong Presidential Assistance for Farmers and Fisherfolk Program (PAFFP).
Target kan programa na magtao nin pinansiyal na tabang sa mga agricultural producer na apektado kan pabago-bagong presyo kan krudo asin gastos sa produksyon.
Ginamit man kan ahensya an P1 bilyong Quick Response Fund, makalihis ideklara ni Presidente Ferdinand Marcos Jr. ang state of national energy emergency kan nakalihis na bulan.
Mientrastanto sinabi man ni De Mesa na ibinaba kan national rice program ang target kan lokal na produksyon kan bagas hale sa 20.8 milyong metrikong tonelada pasiring sa 19.8 milyong metrikong tonelada.
