Nakikipigtabangan an Department of Agriculture sa mga civil society group arog kan People’s Budget Coalition tanganing masierto an tamang konstrusyon nin farm-to-market roads sa nacion.
Kasunod ini kan mga isyu sa dae tugmang coordinates asin mga ipigsusuksok na proyekto sa badyet na nangangaipuhan nin lubos na pag-audit asin beripikasyon.
Ginagamit na ngonian an FMR Watch portal tangani maibitaran an pagsayang, mantang an mga state university independienteng nag-aases kan kalidad kan mga tinampo antes bayadan an mga kontratista.
Target kan gobierno na makapagtogdok nin 10,000 kilometros nin farm-to-market roads pag-abot kan 2028 sa tabang kan gobyerno, pribadong sektor asin Official Development Assistance tanganing maparikas an transportasyon kan mga produktong agrikultural.
