Nanuga si House Speaker Bojie Dy na iluluwas sa publiko an mga dokumento kan national budget kan Kamara makalihis siayng makipagpulong sa People’s Budget Coalition (PBC) para pag-olayan an mga reporma na masisiguro an transparency asin malilikayan an panibagong flood control scandal.
Nakipagpulong an PBC na pinangenotan ni co-convenor Ken Abante kay Dy kan Nobyembre 4.
Segun sa grupo, katuyuhan kan pagbubukas kan mga budget document na matawan an civil society organizations asin publiko nin pagkakataon na masuri kun sain napapaduman an pondo kan nacion.
Pigsierto man ni Dy na dai niya papabayaan na mautro an flood control scandal sa irarom kan saiyang pamamayo.
Sinabi man kan PBC na padagos nindang babantayan kun tutuparon kan Speaker an saiyang mga pangako, lalo na makalihis naenot nang nahiling kan PBC an mga red flags sa 2027 national budget na naipresentar sa Senado.
