Pupunan kan Department of Agriculture (DA) ngunyan na Disyembre an pagdistribwer nin mga mobile solar irrigation system tanganing mabawasan an matinding epekto kan El Niño sa mga umahan.
Ipapanao an kadaklan kan mga unit sa Enero 2027 kun sain piglalaoman an pinakamatinding tagmara o dry spell sa manlaen-laen na rehiyon.
Afuera sa mga umahan asin tanuman nin gulay, dakula man an maitatabang kan mga kagamitang ini sa sektor nin livestock asin aquaculture.
Ibubugtak an mga mobile system sa mga lugar na pinakaapektado kan El Niño asin igwang pagkukuanan nin tubig.
Naghagad an DA nin P3 bilyon para sa mga proyekto nin irigasyon hali sa programang UPLIFT, kun sain P1 bilyon an nakalaan para sa mobile solar irrigation asin P2 bilyon para sa mga regular na solar irrigation project.
