Sarong construction worker an nadukayang gadan sa laog kan saiyang harong sa Barangay 5 San Ramon, Vintar, Ilocos Norte.
Binisto an biktima na nasa 55-anyos asin residente kan nasabing barangay.
Sa report kan Vintar Municipal Police Station, nadukayan kan 61 anyos na tugang kan biktima na tricycle driver asin residente kan kaparehong barangay an biktima na nakahandusay sa sala kan harong na may dugo.
Napag-aramang an biktima an sarong alcoholic asin may medical history nin hypertension.
Mientrastanto, segun sa attending physician na si Dr. Heidi Marita Albano, sinabi kaini na nagadan sa cardiac arrest an biktima asin warang nakitang foul play sa insidente.
