Tulos na inalerto ni Acting Philippine National Police (PNP) Chief PLtGen. Jose Melencio Nartatez Jr. an Criminal Investigation and Detection Group (CIDG) Unit enkaso mang magpaluwas nin warrant of arrest an korte laban sa mga personalidad na pigtatakod sa kaso kan mga missing sabungero.
Segun kay Nartatez, preparado an CIDG sa maski ano mang magigin kasuguan na ma-hale sa hukuman.
Ini an makalihis na ianunsyar kan Department of Justice (DOJ) na naisumite na sa korte an mga kasong murder asin kidnapping with illegal detention complaint laban sa mga indibidwal na ipigdadawit sa nasabing kaso.
Afuera man sa CIDG, inalerto na man kan hepe an mga lokal na pulisya na pigsugo man na magpreparar para sa pagpapa-otob asin pagsusunad nin warrant sa mga akusado.
Mientrastanto, nangapodan man si Nartatez sa publiko na magin kalmado asin pabayaan an pagligid kan mga proseso nganing masyerto na mapapanimbag an mga tunay na may sala.
 Chief PLtGen. Jose Melencio Nartatez Jr. immediately alerted the Criminal Investigation and Detection Group (CIDG) Unit in case the court issues a warrant of arrest against the personalities involved in the case of the missing sabungero.){kind=link}