Inenganyar kan China an European Union na magin patas asn malikaw sa mga pahayag asin aksyon dapit sa isyu sa West Philippine Sea makalihis an panibagong insidente sa nasabing teritoryo.
Sinabi kan Beijing na nadisganar sinda sa mga akusasyon kan European Union kontra sa isyu.
Basado sa pahayag kan Chinese mission to the EU, pigduon kaini na warang poder an European Union na magturo kun siisay an may sala sa nasabing insidente.
Marurumduman na enot na kayang nagbatuhan nin mga akusasyon asin basol an Pilipinas asin China sa pagtuyo na pagbangga kan coastguard vessels sa barko kan Pilipinas sa West Philippine Sea.
Enot na man na kinondenar kan European Union an peligroong aksyon kan mga barko kan China Coast Guard vessels kontra sa maritime operations kan Pilipinas sa nasabing kadagatan.
Sa sarong pahayag, sinabi kan EU External Action Service na an nasabing insidente sa pagultangan kan China asin Pilipinas an nagbayolar sa right to freedom of navigation sa irarom kan international law.
