Susunadan nin kaso ni Senador Jinggoy Estrada si dating Bulacan 1st District Assistant Engineer Brice Hernandez makalihis ikaladkad an senador sa hearing kan Kamara manungod sa suboot korapsyon sa flood control projects.
Sa pulong-balitaan, sinabi ni Estrada na makunsulta siya sa saiyang mga abogado para sa kasong isinunad laban kay Hernandez.
Ipigbuyagyag kaya ni Hernandez na nagbaba an senador nin P355 milyon ngoniang 2025 sa pirang proyekto sa provincia kan Bulacan, na ipig-negar man ni Estrada.
Pagdoon ni Estrada, posibleng pigbalusan siya ni Hernandez makalihis niya ining patawan nin contempt sa pagdangog kan Senate Blue Ribbon Committee.
Nilinaw kan senador na ang milyun-milyong pisong ipigdadawit saiya an nakapalaog gabos sa General Appropriations Act.
Posible man suboot na kinuwa sana ni Hernandez an saiyang mga akusasyon hale sa nagin karaw ni Senador Rodante Marcoleta na “safe ka na” makalihis sabihon ni Curlee Discaya na warang senador na imbwelto sa maanomalyang flood control projects.
Mientrastanto, nagtaram na man si Senador Joel Villanueva makalihis man siyang idawit ni Hernandez sa pagdangog kan Kamara na imbwelto ini sa suboot korapsyon sa flood control projects.
Pagdoon ni Villanueva, dae siya natatakot sa siring kaining klase nin demolition job asin handa suboot siya na madungisan, mainsulto o tuyawon kun ini suboot an magliligtas sa taumbayan sa pauro-utrong pagbaha sa nacion.
Dugang pa niya, paulit-ulit na niyang pigtataram poon pa kan 2023 na palpak an flood control program kan gobierno asin mismong Presidente man an nagsabi kaini makalihis an duwang taon.
Siring man sinabi kan senador na dae siya natatakot maimbestigaran huli ta wara suboot siyang pigtatago.
An saiyang mandato an magtenir na tapat sa pagseserbi, urog na sa mga Bulakenyong taon-taong nakakamate nin pagbaha.
Enot nang pinatawan nin contempt si Hernandez sa pagdangog kan Blue Ribbon Committee makalihis mag-utik sa saiyang pagsusugal sa Casino.
Inakusaran si Hernandez na naggagamit nin pekeng identidad nganing makalaog sa mga casino.
Mientrastanto, kinumpirma ni Senate President Tito Sotto na ililipat sa PNP Custodial Center si Hernandez para sa saiyang kaligtasan.
Ini suboot an saindang napagkasunduan ni House Speaker Martin Romualdez.
