LEGAZPI CITY-Dinara sa ospital an contractor na si Pacifico “Curlee” Discaya II ngani magsairarom suboot sa operasyon sa saiyang abaga.
Segun ki Senate Secretary Mark Llandro “Dong” Mendoza na inaprubahan ni Senate Blue Ribbon Committee chairman Panfilo Lacson an hirit kan kampo ni Discaya.
Dagdag pa kaini na pwedisir maghaloy si Curlee nin apat hasta pitong aldaw sa ospital.
Bilang parte kan proseso, nakaposas an kamot ni Discaya bago ini iluwas sa Senado.
Pigsierto man kan Senate Secretary na mahigot na babantayan an seguridad kaini, asin hihigotan ninda an mga mawot magbisita poon alas-8 nin aga hasta alsa 5 nin hapon.
Marurumduman na poon pa kan Setyembre 2025, nakakulong na sa Senado an contractor na si Curlee makalihis na mai-cite in contempt ini kan Senate Blue Ribbon Committee sa pagdangog huli sa anomalya sa flood control projects.
