Nagpahayag si Pasig City Mayor Vico Sotto nin suporta sa mga lakdang laban sa korapsyon makalihis arestaron kan mga otoridad an contractor na si Curlee Discaya kan Lunes, Hunyo 8, 2026.
Segun sa Philippine National Police (PNP), isinirbi an warrant of arrest kay Discaya huli sa kasong malversation katakod kan suboot flood control projects sa Bulacan.
Sa sarong post, sinabi ni Sotto na naghihingoa siyang mas dakol pang imbuelto sa korapsyon an papanimbagon kan ley.
Mantang nagpahayag ng pagkadismaya sa padagos na mga isyu kan korapsyon sa nacion, sinabiman kan alkalde na may nahihiliing siyang bahagyang pag-unlad sa kampanya laban digdi.
Ipinunto man n Sotto na sinda Curlee Discaya asin an saiyang agom na si Sarah Discaya an kabale sa mga nakinabang nin dakula sa mga flood control project anomalies, kaiba an pirang opisyal siring ninda Leyte 1st District Representative at dating House Speaker Martin Romualdez asin dating Ako Bicol Party-list Representative Zaldy Co.
Nangapudan man siya sa publiko na padagos na bantayan asin tuyawon an mga iregularidad sa gobyerno nganing mapiritan ining maghiro nin mas epektibo.
Mientrastanto, haloy nang nasa kustodiya kan Senado si Curlee Discaya matapos ma-contempt kan Setyembre 2025 sa mga hearing kan Senate Blue Ribbon Committee. Nasa kustodiya sa Cebu an saiyang agom na si Sarah Discaya matapos na maarestar man katakod kan parehong imbestigasyon.
