Pinahimutikan ni Department of the Interior and Local Government (DILG) Secretary Jonvic Remulla an mga report na nakaresibe suboot nin espesyal na pagtrato an contractor na si Curlee Discaya makalihis ining arestaron katakod kan mga kasong may kinaaraman sa suboot maanomalyang flood control projects.
Sinabi ni Remulla na warang katotoohan an mga alegasyon na pigpo protehiran si Discaya huli sa suboot koneksyon kaini sa mga poderosong personalidad sa politika.
Nilinaw man kan opisyal na siring kan ibang detainees, ilalaag man si Discaya sa regular na detention facility.
Ipinaliwanag man ni Remulla na nasa hukuman an poder na magdesisyon kun sain ilalaag an akusado mantang pigdadangog an kaso.
Mientras tanto, sinabi man kan sekretaryo na magpapadagos an imbestigasyon sa suboot flood control scam asin pinaglalaoman pa an pagkaka arestar kan iba pang mga imbwelto sa operasyon.
