LEGAZPI CITY-Pinarikas ngonian kan Bureau of Customs (BOC) an pagdistribwer kan nagkapirang ribong dai pa na-claim na mga balikbayan boxes bago magpasko.
Kasunod ini kan orden ni Presidente Ferdinand Marcos Jr. na magpoon na an ahensya sa pagdistribwir kan mga balikbayan boxes na ibinugtak sa 130 abandoned container vans.
Sinabi ni Bureau of Customs Assistant Commissioner asin Spokesperson Vincent Philip Maronilla na nagpoon na sindang mag-identipikar kan mga kagsadiri kan nasa 130,000 balikbayan boxes asin nakipagkoordinar na sa mga freight forwarding company ngani mag-isyu nin tracking numbers sa mga recipients.
Enkaso dai ini mahabol sa kapaskuhan, an posibleng maidistribwir an mga balikbayan boxes bago matapos an taon.
