Ipighayag ni Presidente Ferdinand Marcos Jr. an pagpapahewas kan maternity benefits kan PhilHealth na epektibo puon sa Abril 30.
Obheto kaini na mas maparahay pa an serbisyong pansalud kan mga ina asin kan saindang umboy.
Sa irarom kan bagong benepisyo, ipigtaas sa P29,000 an coverage para sa normal delivery hali sa dating poco mas o menos P9,750.
Para man sa cesarean section, maabot na sa P58,000 hanggang P62,000 an sakop kan benepisyo hali sa dating P37,000.
Tinawan duon ni Presidente Marcos an importansya kan lakdang ngani na masierto na an kada ina an salbadong mangangaki na dae pig-iisip an gagastuson.
Paliwanag kan presidente na dae dapat magin ulang an kakulangan sa kwarta sa kaligtasan kan ina asin umboy.
