Pigsusundan na kan National Bureau of Investigation (NBI) ang sarong lead katakod nin suboot mga huma laban ki Presidente Ferdinand Marcos Jr., First Lady Liza Araneta Marcos, asin dating Speaker asin Leyte Rep. Martin Romualdez.
Sinabi ni NBI Director Melvin Matibag na ibubuyagyag an kadugangang detalye katakod kan nasabing lead sa tamang panahon.
Sienerto man ni Matibag na maatendir an NBI sa masunod na impeachment hearing kan House Committee on Justice sa Abril 29, katakod kan isyu kan suboot huma ni Vice President Sara Duterte laban sa First Couple kan 2024.
Ini an makalihis i-subpoena kan komite an ahensya nganing ipresentar an resulta kan saindang imbestigasyon sa nasabing orolay.
Magigiromdomang kan Nobyembre 23, 2024, sinabi ni Duterte na nagsugo suboot siya nin sarong indibidwal na gadanon si Marcos, First Lady Liza, asin dating Speaker Romualdez kun madagos an suboot plano laban saiya.
Kalaunan, nilinaw kan Bise Presidente na an saiyang pahayag ay bako patanid asin sinabing ini an “maliciously taken out of logical context” sana.
