LEGAZPI CITY-Ipighayag kan Malacañang na masyado pang amay an pangapudan ni ni Senate Minority Leader Alan Peter Cayetano sa mga kapwa senador na tanggihan an posibleng alok na magin Bise Presidente enkaso mahatulan sa impeachment trial si Vice President Sara Duterte.
Dae pa suboot tapos an paglilitis asin dae pa nahahampang kan kampo ni VP Duterte an saindang mga ebidensiya.
Dapat suboot na igalang an Tanggapan kan Bise Presidente asin halaton na matapos an proseso.
Sinabi man kan Palasyo na mawot ni Presidente Ferdinand Marcos Jr. na masunod an due process antes na pag-olayan an posibleng pagpapalit sa Bise.
Tinawan doon man niya na dae dapat pag-pangenotan ni Cayetano an magigin desisyon kan Presidente o diktahan an mga kapwa senador.
Nagpaluwas nin pahayag si Cayetano makalihis na sabihon ni Senate President Francis Escudero na tatanggihan niya an posibleng pag-upo bilang Bise Presidente enkaso mahatulan si Duterte, huli ta saro siyang senator-judge sa impeachment trial na saiyang pinamamayuhan.
