Nakatutok ngonian an Bureau of Fisheries and Aquatic Resources (BFAR) sa paghale kan mga pagdududa kan publiko manungod sa pagkaon nin tawilis asin tilapia hale sa Taal Lake makalihis na magluwas an bareta na ginamit na dumping ground an lawa kan mga labi kan mga nawawarang sabungero.
Segun sa Department of Agriculture (DA) Assistant Secretary for Special Concerns and Official Development Assistance asin Spokesperson Engr. Arnel De Mesa, sa pinakabagong monitoring data kan BFAR, nagkaigwa nin paglangkaw sa presyo kan tilapia huli ta piglilimitahan pa suboot an dakop huli sa kadikit na konsumidores na nagkokonsumo kaini sa presente.
Sinabi niya na an BFAR Region IVA, sa pangengenot ni Dir. Sammy Malvas, nagsagibo nin magkakanigong aksyon para mahale an takot na namamatian kan publiko sa pagkakan kan siring na mga produkto.
Dugang pa ni De Mesa na an pigkakaon kan mga tawilis sa Taal Lake an bako sana plankton, asin dae suboot sinda naglulubog sa mas hararom na parte kan lawa nganing magkaon nin ano man na iba pa.
Nilinaw man kan tagapagtaram na an tilapia nagkakaon sana nin mga commercial feeds mantang an maliputo nagkakaon nin buhay na sira asin dai man nagkakaon nin mga nabubulok na bagay na makukua sa lawa.
Mientrastanto, nagpapadagos man an dugang na eksaminasyon asin iba pang lab tests kan BFAR nganing masierto na safe kaunon an lamang dagat na nadadakop sa Taal Lake.
Ngunyan na maabot na Martes, Hulyo 22, magkakaigwa nin pag-oolay an DA kaiba an BFAR para sa konsultasyon sa mga parasira sa Batangas nganing pag-olayan an mga kahaditan kan nasambitang sektor.
 is now focused on removing public doubts about eating tawilis and tilapia from Taal Lake after news emerged that the lake was used as a dumping ground for the remains of the missing sabungero.){kind=link}