Dae mababa sa 21 katawo, kaibanan an 12 dayuhan an nagadan makalihis sumiklab an kasulo sa sarong hotel sa Malviya Nagar, South Delhi, India.
Segun sa mga otoridad na ini an saro sa pinakadakulang insidente nin kasulo sa kabisera kan India puon kan 2022.
Napag-araman nanagpuon an kasulo antes an alas-9 nin aga sa apat na palapag na establishimento.
Duda kan mga imbestigador na nagpuon an kasulo sa sarong restaurant na nasa ground floor kan edipisyo.
Huli sa marikas na paglakop kan kalayo, nagkapirang indibidwal an napiritan na maglukso hali sa mga bintana kan establishimento ngani na makasalbar.
Nagrespunde man an walong fire trucks ngani na apulahon an kasulo, na dagos na nakontrol pagsapit kan udto.
Segun sa kapulisan na uminabot sa 49 katawo an idinalagan sa manlain lain namga ospital ngani na bulungon.
