LEGAZPI CITY-Nagsasagibo na nin preparasyon kan mga saindang evacuation centers an konseho kan Barangay Baligang Camalig Albay kasunod kan posibleng aktibidad kan Bulkang Mayon.
Segun kay Punong Barangay Jocelyn Ventura, sa intrevista kan Bombo Radyo Legazpi na presente nindang pigaabisuhan an saindang mga residente siring man an pagpreparar kan saindang konseho kan mga evacuation centers.
Dugang pa niya na may mga nag-eebakwar sa sainda hale sa ibang mga barangay kaya gabos sinda preparado asin naka-monitor.
Katuwang man ninda sa pagtatao nin impormasyon an saindang Municipal Disaster Risk Reduction and Management Office (MDRRMO) siring man an Department of Social Welfare and Development asin mga appointed na opisyal.
Tulos man suboot na nakikipagkoordinar an mga residente sa mga siring na sitwasyon poon kan magtuga an Bulkang Mayon kan mga nakalihis na taon.
Pangapudan kan opisyal sa mga residente na magsulot nin facemask orog na kun maparos igwang ashfall asin dai muna magluwas sa mga kaharongan ngani magin salbado an saindang mga pamilya.
