Sinierto ni Presidente Ferdinand Marcos Jr. na warang pwersa kan gobierno na imbwelto sa nangyaring serye nin putukan nin badil sa Senado kasubanggi.
Sa sarong pahayag, sinabi kan presidente na tulos siyang nakipag koordinar ki Interior Secretary Jonvic Remulla ngani na magpasiring sa lugar.
Dugang pa niya na kinaolay na man niya si National Bureau of Investigation (NBI) Director Melvin Matibag ngani na masierto kun may tauhan an ahensya na naglaog sa Senado, na tulos man na pignegaran kan NBI.
Segun ki Presidente Marcos na solamenteng mga lehitimong security forces sana an nasa laog kan Senado, kaibanan an Philippine National Police (PNP), Philippine Marines, asin Office of the Senate Sergeant-at-Arms (OSAA).
