Nagwalat an bagyong Champi nin sarong gadan asin labi sa 500 na irido makalihis na mag-agi sa Taiwan kan Sabado, Oktubre 24.
Segun sa Reuters, an nagadan iyo an sarong lalaki na inanod kan makusog na alon harani sa Liuqiu Island.
Nakarehistro man an mga otoridad nin 527 na lugadan resulta kan makusog na duros asin daing pundo na pag-uran.
Nag-abot sa 227 kilometros kada oras an kusog kan duros sa nagkapirang coastal areas na nagpatumba kan mga kahoy asin nagraot sa mga linya nin kuryente.
Labing 288,000 na mga harong an nawaran nin kuryente, alagad naibalik na an serbisyo sa kadaklan sainda.
259 na biyahe naman an kinanselar, asin an mga eskwelahan asin opisina isinara sa mga parte kan norte asin sentral na Taiwan.
Padagos na nagluluya an bagyo mantang ini naghihiro pa-norte pasiring sa baybayon kan China, alagad dai ini piglalaoman na direktang ma-landfall duman.
