LEGAZPI CITY-Sarong tropical storm na may international name na “Champi” an piglalaomang maglaog sa Philippine Area of Responsibility bilang Super Typhoon sa maabot na Martes o Miyerkules sa masunod na semana.
Susog sa Japan Metreological Agency, nahiling an Tropical Storm Champi sa rayong 3,100 kilometers sa sirangang parte kan Visayas.
An tropical storm Champi, sarong Laos name na an ibig sabihon “ed jasmine flower” sa Lao Language.
Dara kaini an kusog kan paros na nag-aabot sa 85 kilometers per hours asin naghihiro pasiring sa westward sa rikas na 20kph.
Oras na makalaog ini sa Philippine Area of Responsibility, papangaranan naman ining “Rosal”.
Ini na an magiging kaenot-enoting bagyo sa bulan kan Oktubre asin pang-labingwalo sa bilog na taon.
