LEGAZPI CITY- Labi an pagkabigla kan sarong driver makalihis na madiskubre an sarong bagong pangaking umboy sa laog kan pagsadiring tricycle sa Brgy. Bagong Sirang, San Andres, Catanduanes.
Sa intrevista kan Bombo Radyo Legazpi ki PS/Insp. Roderick Bino, hepe kan San Andres PNP, napag-araman na nakatakod pa an inulnan asin pusod kan umboy kan makua ini kan mga otoridad.
Istorya man kan ina kan umboy na binistong si Shaira Mae Araojo, 22-anyos asin caretaker kan Day Care Center, nakamati suboot ini kan pangungulog nin tulak kinabanggihan kun kaya nagpa-akudir sa driver na si Jessie Joven tangarig na madara sa ospital.
Alagad huli naman sa malipot na panahon asin kasiraman nin katurog, dae suboot nagduman an pighahalat na driver mantang dae naman kinaya kan babayi asin napaaki na sa tricycle.
Paramientras kaining iwinalat an umboy tangarig na maghagad nin tabang alagad sa dakol na dugo na ipigluwas, nakuha na sana ining halos nag-aagaw buhay na sa day care center.
Sa ibong na lado, nadangog man kan kagsadiri kan tricycle an nagpaparabatok na ayam, rason tangarig na magluwas asin mahiling an umboy na tulos man dinara sa ospital kaibanan an ina.
Mientras tanto, pinangaranan man an nasabing umboy bilang “Baby Usman”.
