LEGAZPI CITY—Boluntaryong nagsuko an sarong babaye kan saiyang naaraman na igwa siyang standing warrant of arrest sa hepatura kan Legazpi City Police Station.
Segun ki Legazpi CPS PIO PEMS Carlos Paña, binisto ini na si alyas “Shell”, 56-anyos, warang agom, asin residente kan Barangay Peñaranda, Legazpi City, Albay.
Napag-araman na may kaso ining 3 counts kan Batas Pambansa Blg. 22 (BP 22) o an Bouncing Checks Law, kun saen nag-isyu ining tseke na warang sufficient funds.
Sa ngonian nakakulong ini paramientras sa Legazpi City Police Station mantang pighahalat kun makakapagpiyansa ini nin P18,000 sa kada kasong isinunad laban saiya para sa temporaryong libertad.
