LEGAZPI CITY- Nakakaresibe nin pag-apresyar ngunyan an kakaibang obra kan sarong artist sa Catanduanes.
Imbes na kayang simpleng pagpipinta sana, nagagamit ini nin kaliskis nin sira sa saiyang mga artworks.
Segun ki Joannah Paula de Leon sa intrevista kan Bombo Radyo Legazpi na bilang sarong artist, padagos siyang nag-iisip nin mga paagi kun papano mahahanap an saiyang orihinal na istilo.
Marurumduman na antes an pagpatok kan saiyang kaliskis style, enot ng nabisto si De Leon sa saiyang obra na kape sa abaca.
Sa presente padagos na nagigin sold out an mga artworks kaini na pigtatangkilik kan mga lokal na residente sa Catanduanes.
Alagad afuera sa mga lokal na collector nin paintings asin artworks, igwa na man ining kliyente na gikan sa manlain lain na parte kan Pilipinas asin magin international buyer.
