LEGAZPI CITY- Huminakot nin medalya an mga arnis players sa nagpapadagos na Palarong Pambansa 2024.
Napag-araman na igwang duwang team an pambato kan Bicol na kumpwesto kan mga atleta kan Ligao City asin koponan kan Albay.
Segun ki Bicol Vulcans Arnis Coach Sheryl Oguira sa intrevista kan Bombo Radyo Legazpi na an Ligao City delegation an igwang tulong gold medals, apat na silver asin tulong bronze.
An Albay delegation man sa arnis an igwang duwang gold medals asin sarong bronze medal.
Marurumduman na ini an enot na bes na nakabali an Albay sa Arnis secondary kaya naga-adjust pa suboot mantang an Ligao City arnis an haloy ng nagpapartisipar sa nasabing sporting event.
Aminado si Oguira na dakulang agyat para sa sainda an pinansyal na pangangaipo para sa training.
Huli digdi, nagpasalamat an nasabing coach sa gabos na mga nagsusuporta sa saindang mga atleta ngani na makapagdara nin honra para sa provincia.
