LEGAZPI CITY-Pigsierto kan Albay Police Provincial Office na bastante an saindang man power pagabot sa pagresponde asin pagbabantay sa katahawan kan aktibidad kan Bulkan Mayon asin mga kalamidad sa rehiyon.
Segunk kay Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi na bastante an saindang man power asin kaya pang i-handle kan saindang mga kapulisan.
Nakahanda man suboot an regional headquarters kun kinakaipuhan nin dagdag na pulisya sa Albay para sa deployment.
Pinagantisiparan man ninda an pagabot kan bagyo sa rehiyon kasabay kan pagalburuto kan Bulkang Mayon na presenteng nasa alert level 3.
Kun sain nakadeploy an saindang mga personahes orog na sa mga lugar na posibleng magkaigwa nin landslide asin nakatutok sinda sa pangangaipohan kan mga kababayan.
Dagdag pa niya na nakaseparar man an mga personahes na nagbabantay sa aktibidad kan Bulkang Mayon asin an saindang search and rescue team kun kinakaipuhan bilang reserve force sa mga kalamidad.
Saro suboot sa saindang stratehiya an pag-maximize kan pwersa katuwang an iba pang force multiplier siring kan Bureau of Fire Protection.
Mientrastanto, nakakatabang man an saindang kapulisan na yaon sa mga evacuation center ngani magin produktibo an mga namamanwaan.
Sa presente, padagos an pigsasagibong monitoring kan kapulisan sa provincia partikularmente na sa banwaan kan Guinobatan, Camalig, asin Tiwi kun sain igwang nairehistrong landslide asin pagbabaha.
