LEGAZPI CITY – Nauli sa pananaksak an iwal kan duwang traysikel driver huli sa agawan nin pasahero sa Barangay Binitayan, Daraga, Albay.
Segun kay Rochelle Moral, an nakahiling sa nangyaring pananaksak sa intrevista kan Bombo Radyo Legazpi na nagpoon an saindang dae pagkakasinabutan kan suntukon kan biktima an suspek huli sa agawan nin pasahero.
Nangyari an insidente bandang alas dos nin hapon mantang nagkakaturog siya an bigla siyang nakadangog nin kalabog.
Kan pagluwas niya sa saindang kaharongan an nahiling niyang nakadapa na an sarong lalaki na duguan asin an suspek na may kapot na pigtutubudang kutsilyo.
Pigtaram pa ni Moral na makalihis an pananaksak an nahiling niya na nagbalik pa an suspek sa saiyang harong.
Napag-araman man na bako man residente kan nasabing barangay an biktima asin nagkataon sana na may pighatod ini sa sarong tindahan na harani sa pinangyarihan kan insidente.
Huli sa insidente, nagkawsa ini nin labing takot asin pagkahandal para sa saiyang buhay siring man sa mga residente.
