Maogmang tinanggap kan Armed Forces of the Philippines an bagong liderato kan Joint U.S. Military Assistance Group Philippines sa nagin introductory call kan mga ini ki General Romeo S. Brawner Jr.
Personal na nagkahampang sinda Gen. Brawner Jr., asin incoming Chief kan Joint U.S. Military Assistance Group Philippines, Colonel Daniel Oh.
Sa nagin diskusyon an liwat na pinagtibay kan duwang kampo an suporta kan lambang saro.
Liwat mang sienerto kan duwang lider an saindang commitment nganing mapakusog an alyansa sa pagultangan kan US asin Pilipinas nganing mapakusog asin maprotehiran an kapayapaan asin seguridad sa bilog na Asia-Pacific Region.
Nagpasalamat man si General Brawner sa padagos na asistensyang pigtao kan Joint U.S. Military Assistance Group sa manlaen-laeng kapasidad, puon sa capacity-building, training sagkod sa paghatod nin logistical assistance.
Riribayan ni Colonel Oh ang outgoing chief na si Colonel Edward R. Evans na nagsagibo man nin exit call sa AFP kan Mayo 9.
An Joint US Military Assistance Group to the Republic of the Philippines an nagserbi bilang U.S. Security Assistance Organization sa Pilipinas. An pamayo kaini an saro man na senior Defense official kan US.
Responsibilidad kan pamayo kaini na pangenotan an mga security asin non-security assistance mission kan US sa Pilipinas. Kaiba digdi an Joint Combined Bilateral Exercise Program asin iba pang military program, salig sa mga itatakda kan Mutual Defense Board.
