LEGAZPI CITY-Ipighayag ni Vice President Sara Duterte na tanggap niya an mga desisyon kan International Criminal Court (ICC) na may hurisdiksyon ini sa kaso asin sa nagin confirmation of charges laban kay dating Presidente Rodrigo Duterte.
Presenteng nasa The Hague, Netherlands si Vice President Sara makalihis na tugutan siyang mag-biyahe kan Malacañang sa ibang nacion poon Mayo 2 hasta 15.
Segun ki VP Sara, kasunod kan nagin desisyon kan international tribunal, kaipuhan na suboot na mag-move on asin maghanda para sa trial kan defense team kan dating Presidente.
Mientras tanto, nagpasalamat man siya sa mga nagsusuporta asin padagos na naglalaom na makakauli pa sa nacion an saiyang ama.
Ipigheras man niya na nasa maayos man suboot asin warang problema an dating Presidente, alagad nagsairarom suboot ini sa physiotherapy.
Ipigsugo man kan Trial Chamber III an prosekusyon, depensa, asin kampo kan biktima na magsumiter kan saindang obserbasyon sa padagos na pagkakadetine ni Duterte hasta sa aldaw nin Biyernes, Mayo 8, 2026.
Mantang nakatakdang isagibo kan Trial Chamber III an status conference sa kasong crimes against humanity laban kay Duterte sa Mayo 27 sa presenteng taon.
